Alfred Hunda nga Libohova duhej të ishte në shtëpi për të zbatuar vendimin e gjykatës por në fakt kishte dalë makinë me të cilën u përfshi dhe në aksident rrugor.
Disa ditë më parë Gjykata e Shkallës së Parë në Gjirokastër, vlerësoi masën “Arrest shtëpiak” për të për veprën penale të trafikut dhe mbjelljes së lëndëve narkotike.
Sonte policia informoi se rreth orës 20:26, në aksin rrugor “Gjirokastër-Kakavije”, automjeti me drejtues 35-vjeçarin me inicialet T. H., është përplasur me automjetin me drejtues 40-vjeçarin me inicialet V. Z.
Nga përplasja janë dëmtuar lehtë, 40-vjeçari dhe pasagjerët në automjetin e tij, Alfred Hunda dhe 20-vjeçari me inicialet L. H., të cilët aktualisht po marrin ndihmë mjekësore, në spitalin e Gjirokastrës.
