Policia Rrugore Tiranë ka proceduar një 27-vjeçar me inicialet M. M. pasi ka tentuar të korruptojë me 200 euro policët të cilët e kishin ndaluar pasi po drejtonte mjetin pa rrip sigurie.
Pas ndalimit për rripin e sigurisë i është kryer edhe testi i alkoolit ku ka rezultuar i dehur. Në një situatë të tillë ai ka tentuar të korruptojë policët me 200 euro.
Në vijim të veprimeve, u referuan materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Korrupsioni aktiv i personave që ushtrojnë funksione publike”.
