Gazeta greke “Kathimerini” në një artikull të gjatë për arrestimin e Fredi Belerit dhe “ngrirjen” e raporteve mes Shqipërisë dhe Greqisë shkruan se kryetari i bashkisë që u zgjodh në 14 Maj nuk la leje për të hyrë në SHBA. A është në listë të zezë? Kjo nuk dihet zyrtarisht. Por gazeta greke, thotë se nuk është i lejuar.
“Beleri u zgjodh me mbështetjen e partisë së ish-kryeministrit Sali Berisha (duke i dhënë fund një rivaliteti të kahershëm mes tyre). Rama dhe Berisha janë armiq të betuar, Himara është bërë një fushë tjetër e konfliktit të tyre, me viktimë Belerin.
Ekspertët e Ballkanit thonë se Rama po “luan” një lojë kaq të ashpër me Athinën, sepse Berisha është një “person i padëshirueshëm” për Uashingtonin.
Më 19 maj 2021, Sekretari Amerikan i Shtetit, Anthony Blinken, deklaroi drejtpërdrejt se Berisha është i padëshirueshëm për SHBA-në sepse është i përfshirë në raste korrupsioni. Madje, sipas disa burimeve, Fredi Beleri nuk ka leje hyrjeje në SHBA” shkruan gazeta greke.
Kjo është “goditja” e dytë që vjen brenda ditës nga Greqia për Belerin. Paraditen e sotme ishte ish-zv/ ministri i Jashtëm grek në kohën e qeverisjes së “SYRIZA”-s, Nikos Xydakis, i cili u shpreh në një emision në vendin fqinj se kryetari i zgjedhur i bashkisë Himarë ka një histori të errët.
Duke folur për “ERT”, Xydakis tekstualisht u shpreh se “Athina dhe Tirana e dinë rolin e Belerit. Ai nuk është një njeri i pafajshëm, ai ka një histori politike dhe një histori të errët.
Duhet ta kishte pastruar këtë histori shumë muaj më parë. Dhe të mos bëhet një gjemb diplomatik në marrëdhëniet jo aq të mira mes Athinës dhe Tiranës” tha ai.
Ndërkohë që qeveria greke, përmes ministrit të Punës, sot kërcënoi se do të bllokonte fondet e BE për Shqipërinë.
Ish-zv/ ministri grek: Beleri ka histori të errët, nuk është i pafajshëm
