Gjykata e Apelit ka liruar tre ushtaraket të cilët u arrestuan pas zbulimit të drogës në repartin e Zall Herrit.
Gjykata ka pranuar kërkesën e avokatit Sokol Tahiraj dhe ka caktuar masën e sigurimit arrest ne shtëpi për të tre ushtarët.
Shefi i zbulimit, Gramoz Mulla dhe dy specialistët e zbulimit Rustem Poçi dhe Gentian Zhurda u akuzuan për shpërdorim detyre pasi në repartin të cilin ata kontrollonin u gjet 125 bime kanabis që ishte e ndarë në 6 parcela.
Të arrestuarit nuk i pranuan akuzat dhe u shprehën se kanë pasur të pamundur të kontrollonin gjithë repartin pasi ishte disa hektarë. Shqetësim të cilin e kishin shprehur edhe tek shefat e tyre.
Pas kësaj deklaratë Mullai u shpreh se konstatuar lëndën narkotike që në datën 10 korrik dhe kishte vënë në dijeni eprorin, por nuk kishte mbajtur procesverbal.
Dy ushtaraket e tjerë kanë pretenduar se nuk kane konstatuar asgjë të paligjshme dhe se për shkak të territorit të thyer nuk është kontrolluar e gjithë zona.
