Presidenti kroat, Zoran Milanoviç ka reaguar në lidhje me tensionet mes Shqipërisë dhe Greqisë në lidhje me arrestimin e kryebashkiakut të Himarës, Fredi Belerit.
Teksa po fliste për situatën e tifozëve kroat të cilët vranë një ri grek Milanoviç përmendi fjalët që Mitotakis përmend te rasti “Beleri”.
“Në Greqi nuk po tregohet se ka shtet të së drejtës. Në të njëjtën kohë, kryebashkiaku i Athinës ka shkuar për të demonstruar në një fshat shqiptar. Kjo ndodh për faktin se disa javë më parë, një kandidat me etni greke, për të fituar Bashkinë e Himarës, është zënë duke vjedhur vota.
Dhe ata shkojnë në Himarë për të protestuar me një grup njerëzish të tjerë dhe të kundërshtojnë vendimin. Unë e di shumë mirë çfarë ndodh atje”, tha ai.
Sipas Milanoviç ky është presion i drejtpërdrejtë mbi sistemin gjyqësor shqiptar dhe mbi politikën shqiptare.
