Pasditen e sotme u raportua se vendi ynë ka nisur drejt Greqisë mjete dhe zjarrfikës për të ndihmuar për të shuar zjarret në vendin fqinj.
Ditën e sotme pala greke e mohoi ndihmën ndërsa disa orë më vonë “u pendua” dhe kërkoi ndihmë.
Në këtë situatë të vështirë që ndodhet vendi nga zjarret Greqia ka vendosur të qetësojë “tensionet” që janë zhvilluar kohët e fundit mes dy vendeve duke kërkuar ndihmë.
Ndërkohë pas lajmit të nisjes së ndihmave drejt Greqisë, kryeministri grek, Kyriakos Mitsotakis ka falënderuar Shqipërinë për trupat dhe mjetet zjarrfikëse që dërgoi për të asistuar me zjarret në vend.
“Falënderimet tona shkojnë për Shqipërinë, që dërgoi në Greqi 48 zjarrfikës dhe 9 automjete për t’u bashkuar me ne për të luftuar zjarret në Aleksandropoli. Faleminderit Shqipëri,” shkruan kryeministri grek.
Our thanks go out to Albania, for sending to Greece 48 firefighters and 9 vehicles to join us as we fight the wildfires in Alexandroupoli. Thank you, Albania. 🇦🇱🇬🇷@ediramaal
— Prime Minister GR (@PrimeministerGR) August 23, 2023
