Dy persona mbetën të plagosur me armë zjarri mbrëmjen e djeshme (24 gusht) në një lokal në zonën e Ranës së Hedhun në Shëngjin.
Mësohet se të plagosurit janë shtetasit Albert Gjinaj, 28 vjeç, banues në Tiranë dhe Gentian Nikolli, 30 vjeç banues në Thumanë, fatmirësisht jashtë rrezikut për jetën.
Ndërkohë policia ka bërë të mundur identifikimin e autorëve, konkretisht shtetasit Kristian Curri, Bledar Curri dhe Frajd Curri dhe vijon kontrolli i zonës për kapjen e tyre.
“Informacion paraprak: Rreth orës 22:00, në Shëngjin, në një lokal në vendin e quajtur “Rana e Hedhun” dyshohet se gjatë një konflikti të çastit, janë plagosur me armë zjarri lehtë në këmbë shtetasit A.Gj, 28 vjeç banues në Tiranë dhe G.N. 30 vjeç, banues në Thumanë, të cilët ndodhen në spital për ndihmë mjekësore, jashtë rrezikut për jetën.
Sherr dhe plumba buzë detit! Kush janë dy të rinjtë që u qëlluan?
Shërbimet e Policisë kanë shkuar menjëherë në vendngjarje dhe si rezultat i veprimeve të shpejta kanë bërë të mundur identifikimin e autorëve, konkretisht shtetasit B. C., F. C. dhe K. C., dhe vijon kontrolli i zonës për kapjen e tyre. Grupi hetimor vijon punën për zbardhjen e rrethanave dhe dokumentimin ligjor të rastit.”, njofton policia.
