Refuzimi për të dhënë dorëheqjen nga ana e presidentit të Federatës së Futbollit të Spanjës (RFEF), Luis Rubiales ka sjellë reagime të shumta.
Skandali i puthjes së lojtares Hermoso pas fitores së Kupës së Botës është bërë ngjarja më e përfolur e momentit.
Por duke qenë se deri më tani nuk është marrë asnjë masë 81 lojtaret kanë konfirmuar se nuk do të luajnë për kombëtaren e Spanjës nëse Rubiales nuk shkarkohet nga posti i tij.
Qeveria spanjolle nisi procedimet ligjore për të pezulluar 46-vjeçarin, ndërsa FIFA ka nisur edhe procedimin disiplinor.
Rubiales pritej të jepte dorëheqjen në një asamble të përgjithshme të jashtëzakonshme të thirrur nga Federata Mbretërore e Futbollit Spanjoll (RFEF), por në vend të kësaj ai tha “Unë nuk e meritoj këtë gjueti”.
