Gjykata e Sarandës ka dhënë ditën e sotme masës e sigurisë arrest me burg për 17-vjeçarin Elio Rraku, te dyshuar si shkaktar i aksidentit ku humben jetën dy turistët italianë.
Organi i akuzës kërkoi caktimin e masës së sigurimit “Arrest në burg” për veprat penale “shkelje e rregullave të qarkullimit rrugor” kur nga vepra penale është shkaktuar vdekja ose plagosja e rëndë e disa personave dhe “drejtim i automjetit në mënyrë të parregullt”.
Ndërsa avokati i të miturit, kërkoi një masë më të lehtë sigurimi me argumentin se Rraku është i mitur, student dhe i traumatizuar si dhe për të qenë më afër familjes për shkak të gjendjes psikologjike.
Mësohet se seanca është zhvilluar në ambientet e spitalit pasi adoleshenti vijon të jetë nën kujdesin e mjekëve.
