Zbardhen detaje të reja në lidhje me plagosjen me thikë të 68-vjeçarit Zef Paloka mbrëmjen e djeshme nga Nikoleta Nikaj, 21-vjeçe të cilën dyshohet se tentoi ta ngacmonte seksualisht.
21-vjeçarja nga Vau i Dejës ka rrëfyer në polici se shkoi në shtëpi, mori një thikë dhe e goditi për vetëmbrojtje.
“Prej një viti më ngacmonte në rrugë pasi jemi afër me banesa në të njëjtën lagje. Unë nuk ia kam kthyer asnjëherë.
Mbrëmë më erdhi afër banesës dhe filloi sërish të më ngacmojë ndërsa bëri edhe veprime të turpshme përpara meje.
E ndodhur në këtë situatë shkova në shtëpi dhe mora një thikë duke e goditur për t’u vetëmbrojtur pasi nuk kisha rrugë tjetër”, ka dëshmuar 21-vjeçarja. Paloka ka mohuar akuzat e vajzës.
I nguli thikën 68-vjeçarit në Vaun e Dejës, flet 21-vjeçarja: Isha vetëm, ja pse e bëra!
