Kryedemokrati Lulzim Basha ka thirrur sot mbledhjen e Kryesisë në orën 20:00. Kjo vjen vetëm një ditë pasi ai mblodhi Kuvendin Kombëtar të PD-së.
Pak para mbledhjes, Basha ka bërë një reagim në rrjete sociale ku shkruan se qëllimi i ekzistencës së PD në këtë rrugë të re që po nisë do të jetë t’ju ofrojë shqiptarëve një rrugëdalje.
“Arsyeja pse ekzistojmë si forcë politike është që t’ju shërbejmë njerëzve, jo vetes tonë! Qëllimi i ekzistencës sonë është që t’ju ofrojmë shqiptarëve alternativë për qeverisjen e tyre, zgjidhje për problemet e tyre, rrugëdalje për hallet e tyre, vizion për të ardhmen e tyre,” shkruan Basha në Facebook.
