Presidentja e Kosovës, Vjosa Osmani ndodhet në një vizitë zyrtare në Tiranë. Presidenti i Shqipërisë, Begaj u shpreh se i kërkoi homologes së tij një koordinim më të mirë me SHBA-në për situatën në veri.
“Duhet koordinim më i mirë dhe më i ngushtë me partnerët, SHBA dhe BE-në. Koordinimi me partnerët është i domosdoshëm. Vlerësova hapet e ndërmarra nga qeveria për de-eskalimin e situatës në veri.
Dialogu është rruga e vetme drejt paqes, normalizimit të raporteve dhe anëtarësimit në organizata, përfshirë OKB-në” tha ai.
Gjithashtu Begaj tha se duhet një koordinim më i mirë mes Tiranës dhe Prishtinës për lobimin për shtimin e njohjeve për Kosovën.
