Hapi i parë publik drejt bashkimit të grupeve të Sali Berishës dhe Gazment Bardhit. Ditën e sotme, Berisha deklaroi se ka pranuar ftesën e Bardhit dhe nesër do të jetë i pranishëm në takimin që do të organizojë kryetari i grupit demokrat me qëllim bashkimin e frontit opozitar.
“Po do të marrim pjesë. Ne shkojmë aty dhe do të marrim pjesë. Kjo është…ftesa është…e konsiderojmë hap pozitiv. Negociata apo bashkim? Do i mësoni të gjitha në kohën e duhur. Ne i përgjigjemi pozitivisht ftesës” tha ai.
Ndërkohë që Lulzim Basha refuzoi ftesën. Ai u shpreh për mediat se është ai kryetar i grupit të PD-së duke mos e njohur asnjë akt apo vendim të Bardhit.
