Prestigjiozja “The Times” ka publikuar një artikull ku ka renditur 25 vende europiane që duhen vizituar qoftë në bregdet, qytet apo fshat që sipas saj do t’ju frymëzojnë dhe relaksojnë.
Nga ishujt portugez, te agrikultura spanjolle, malet e egra deri tek rëra skandinave, në artikullin e “The Times” ka vende edhe për Shqipërinë, konkretisht Alpet shqiptare të cilat radhiten në vendin e 14 në artikull.
Hapësira për Shqipërinë nis duke thënë se vendi ynë rrëmben gjithmonë tituj për çmimet e lira, por më shumë vëmendje duhet t’i kushtohet peizazheve të saj.
“Shqipëria rrëmben gjithmonë titujt e lajmeve për pushimet e lira, por më shumë vëmendje duhet t’i kushtohet peizazhit të saj. Një mënyrë për ta përqafuar atë është ky udhëtim i ri (kërkues – nganjëherë i ngadaltë) tetë-ditor nga Walks Worldwide duke marrë në Malet e Nemuna të titulluar në mënyrë ndjellëse. Pikat kryesore përfshijnë piknikun në një kasolle barinjsh në 1650 m, një vizitë në fshatin historik të Thethit dhe not në pishinat e gurta të Ndërlysajt. Fjetjet në hotele tradicionale ose bujtina,” shkruhet në artikull i “The Times”.
