Ditën e sotme qeveria ka vendosur të lirojë nga detyra e prefektit të Kukësit, Albert Halilaj.
Halilaj është kandidat për zgjedhjet e 24 shtatorit në Kukës nën siglën e PS-së. Zgjedhjet do të mbahen pas dorëheqjes së Safet Gjicit dhe skandalit që mori bujë disa muaj më parë.
Postin e prefektit të Kukësit e merr Granit Gjana. Më herët Gjanaj ka mbajtur postin e Nënkryetarit të bashkisë së Kukësit.
VENDIMI I QEVERISË
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
V E N D O S I:
Albert Halilaj, prefekt i Qarkut të Kukësit, lirohet nga kjo detyrë.
Granit Gjana emërohet prefekt i Qarkut të Kukësit.
Ky vendim hyn në fuqi menjëherë dhe botohet në “Fletoren zyrtare”.
