Larimi i Fernando Santos nga drejtimi i kombëtares polake të futbollit përflitej prej kohësh, kjo bazuar në rezultatet e pakënaqshme për këtë përfaqësuese.
Santos nuk është më trajner i kombëtares polake. Mandati i tij zgjati vetëm 232 ditë në krye të stolit polak.
Humbja 3-2 në Moldavi dha sinjalin e parë për shkarkimin e tij, ndërsa vulosi vendimin humbja në Tiranë ndaj Shqipërisë, duke u mposhtur me dy gola.
Ecuria e portugezit në më pak se nëntë muaj punë la për të dëshiruar. Me të në krye, Polonia mundi të fitojë vetëm gjysmën e gjashtë ndeshjeve, përfshirë miqësoren kundër Gjermanisë (1-0).
