Një eskorte moldave quajtur Adina Manolache, i ka zhvatur menaxherit të lartë të televizionit të Rai në Itali plot 100 mijë euro.
Ajo u arrestua nga policia e Romës pasi u denoncua nga menaxheri 66-vjreçar, i cili e kishte njohur 30-vjeçaren në faqen e njohjeve online “BakekaIncontri”.
Manolache u kap në flagrancë në takimin e fundit mes tyre, ku zyrtari i RAI-t do të merrte 1000 euro në shtëpinë e viktimës. Historia mes tyre nisi shtatorin e kaluar, kur menaxheri i RAI nisi një marrëdhënie me pagesë me eskortën.
Policia italiane dyshon se eskorta e ka organizuar kurthin së bashku me persona të tjerë, të cilët tashmë janë në kërkim.
Fillimisht eskorta nisi t’i kërkonte para atij duke u ankuar se ishte e dëshpëruar pasi e kishin nxjerrë nga shtëpia, më pas, ajo i thoshte se ishte e shqetësuar sepse një nga fëmijët e saj duhej t’i nënshtrohej një operacioni delikat.
Në një rast menaxheri i kishte paguar edhe shpenzimet e një varrimi të pretenduar të motrës së eskortës, por ajo i kërkoi para edhe me justifikimin se ishte kërcënuar nga disa mafiozë të lidhur me trafikun e drogës.