Një person është plagosur me armë zjarri në Malësinë e Madhe ditën e sotme. Arratia e autorit 55-vjeçar Gjergj Marku nuk ka zgjatur shumë pasi është arrestuar.
Ngjarja ka ndodhur në vendin e quajtur “Qafa e Bardelecit”, në fshatin Vermosh.
Policia thotë se pas një konflikti Gjergj Marku ka plagosur me armë zjarri pistoletë në dorë M. P. 30 vjeç, i cili ndodhet jashtë rrezikut për jetën.
Gjithashtu, Gjergj Marku ka dëmtuar automjetin e D. Q. dhe e ka kanosur atë, pasi i ka ofruar ndihmë shtetasit të plagosur.
Në vijim të veprimeve, nisi procedimi në gjendje të lirë për bashkëshorten e Gjergj Markut, pasi ka qenë prezente gjatë konfliktit dhe ka kanosur D. Q. Materialet procedurale do t’i kalojnë Prokurorisë, për veprime të mëtejshme.