Shtyhet derbi Partizani-Tirana për shkak të stadiumit. FSHF njofton se organizimi i derbit të kryeqytetit dhe mbarëvajtja e kësaj ndeshjeje të rëndësishme ka mbledhur ditën e sotme drejtuesit më të lartë të dy klubeve, përfaqësuesit e Policisë së Shtetit dhe drejtuesit e Departamentit të Garave.
Partizani si organizator dhe klubi Tirana kanë bërë kërkesë që ndeshja Partizani-Tirana e vlefshme për javën e gjashtë të Abissnet Superiore, e planifikuar për t’u luajtur më datë 26 shtator, të spostohet për datë 19 tetor 2023, që t’i japë mundësi tifozëve të shumtë të të dy klubeve ta ndjekin ndeshjen në “Air Albania Stadium”. Kërkesa është pranuar dhe derbi është shtyrë.
