Pas ngjarjes së rëndë të regjistruar në veri të Kosovës reagime të shumta janë bërë si nga ndërkombëtarët dhe nga persona nga të gjitha fushat e jetës.
Së fundi ka reaguar edhe këngëtari nga Shkodra, Luiz Ejlli.
Për mes një Instastory ai shprehu ngushëllime për familjarët e të ndjerit dhe shtoi se nuk ka qenë dhe nuk do të jetë asnjëherë vetëm.
“Pavarësisht se sot kisha një ditë plot ngjarje dhe ndava me ju momente të këndshme për mua, nuk mund të lë në harresë e pa kthyer sytë nga Kosova jonë.
Sot u vra një polic, baba i tre fëmijëve, por rrethanat e ngjarjes na vrasin në shpirt të gjithëve. Shpreh ngushëllimet e mia për familjarët dhe Kosova nuk ka qenë e nuk do të jetë asnjëherë vetëm”, ka shkruar Luizi në postim.
