Ish-kryetarja e Preshevës, Ardita Sinani tani këshilltare e kryeministrit të Kosovës, Albin Kurti, ka bërë një reagim në rrjetet sociale drejtuar kryetarit aktual të Komunës së Preshevës, Shqiprim Arifit.
Sinani akuzon Arifin se komuna që ai udhëheq, me shumicë shqiptare, mbajti zi për terroristët që sulmuan policinë e Kosovës në Banjskë të Zveçanit.
Ajo shkruan se urdhërin e Vuçiç për mbajtjen e zisë e zbatoi edhe komuna e Preshevës duke e shoqëruar me dy foto ku flamuri serb duket në gjysmë shtizë.
“Patriotizëm nëpër rrjete sociale, e zbatim urdhërash në realitet.
Pas shpalljes “ditë zie” me rastin e vrasjes së tre terroristëve në Kosovë, nga ana e presidentit serb, Vuçiç, urdhërit iu nënshtruan komunat me shumicë serbe në Kosovë, republika Srpska, dhe e fundit, e vetmja komunë me shumicë shqiptare, komuna e Preshevës,” shkruan Sinani.
