Presidenti i Serbisë, Aleksandar Vuçiç, ka konfirmuar mbrëmjen e kaluar në një intervistë për Radio Televizionin e Serbisë se Milan Radoiçiç ishte pjesë e grupit të personave që kryen sulm terrorist të dielën në veri të Kosovës.
“Sa dini për organizimin e atyre njerëzve, që komandojnë ata njerëz nga Kosova, a i njihni ata njerëz,” u pyet Vuçiç.
“Si të mos e njihja Milan Radoiçiçin,” u përgjigj Vuçiç.
“A i komandon ai,” e pyeti më pas gazetari.
“Nuk e di nëse ishte komanduesi, por ju më pyetët nëse i njihja ata njerëz. E njoh Milan Radoiçiçin. Nuk e di kush ishin këta të tjerët dhe nuk e njoha asnjërin. Tani kam dëgjuar për këta njerëz,” tha Vuçiç.