Ambasadori i Shteteve të Bashkuara të Amerikës në Kosovë, Jeffrey Hovenier u shpreh sot se Shtetet e Bashkuara janë të shqetësuara rreth mobilizimit ushtarak të Serbisë afër kufirit me Kosovën.
Jeffrey Hovenier ka shpërndarë njoftimin e Shtëpisë së Bardhë për telefonatën që Këshilltari për Çështje të Sigurisë Kombëtare i Presidentit Joe Biden, Jake Sullivan ka realizuar mbrëmë me Kryeministrin Albin Kurti duke bërë thirrje për uljen e tensioneve.
SHBA i kërkon Serbisë të tërheqë trupat ushtarake nga kufiri me Kosovën
“Telefonata e rëndësishme mes Këshilltarit Sullivan dhe Kryeministrit Albin Kurti. Shtetet e Bashkuara janë të shqetësuara rreth mobilizimit ushtarak të Serbisë afër kufirit me Kosovën. Bëjmë thirrje për de-eskalim të menjëhershëm dhe konsiderojmë se implementimi i plotë i marrëveshjes nga të dy palët, e arritur në dialogun e ndërmjetësuar nga Bashkimi Evropian që të arrihet stabiliteti”, ka shkruar Hovenier.
