Një aksident është regjistruar pasditen e sotme rreth orës 18:00 në aksin rrugor Vlorë-Kuç, në afërsi të fshatit Drashovicë.
Mësohet se 52-vjeçari me inicialet I. L. duke drejtuar automjetin tip “Benz”, dyshohet se ka humbur kontrollin mbi drejtimin e mjetit dhe si pasojë mjeti ka dalë nga rruga.
Si pasojë është plagosur pasagjerja 42-vjeçare me inicialet M. L. Ajo është dërguar në spitalin e Vlorës dhe ndodhet jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
