Shefi i Zyrës së Bashkimit Evropian (BE) në Kosovë, Tomas Szunyog ishte në veri për të parë nga afër situatën. Ai deklaroi se njerëzit që jetojnë në veri janë në rrezik. Sipas Szunyogut, aktorët duhet të kontribuojnë në uljen e tensioneve në këto momente kritike.
“Gjatë një vizite në veri të Kosovës dëgjova zëra dhe perspektiva të ndryshme për situatën aktuale në terren. Zhvillimet e fundit janë një kujtesë e ashpër dhe tragjike e asaj që është në rrezik për njerëzit që jetojnë në veri të Kosovës, për sigurinë e të gjitha komuniteteve të saj dhe për rajonin më të gjerë”, ka shkruar ai.
