Të dielën dyshohet se është kryer vjedhje në shtëpinë e ministres së Industrisë, Ndërmarrësisë dhe Tregtisë së Kosovës, Rozeta Hajdarit.
Vetë Hajdari kishte raportuar të hënën në polici për ngjarjen. Lidhur me rastin zëdhënësja e policisë Rajonale të Prishtinës, Flora Ahmeti, bëri të ditur se është arrestuar një 33-vjeçare me inicialet N.K.
“Njësiti i Hetimeve të Përgjithshme në Prishtinë, ka arrestuar një person i dyshuar për një rast vjedhje e rëndë që është raportuar me datën 01.10.2023. Puna e hetuesve policor, është finalizuar sot, ku pas marrjes së disa veprimeve operative kanë arrit që të identifikojnë dhe të arrestojnë të dyshuarën: N.K. femër, 33 vjeçare, shtetase e Republikës së Kosovës,” deklaroi Ahmeti
Ajo shtoi se e dyshuara me vendim prokurorit të shtetit është dërguar në paraburgim.
“Ndërkohë, hetuesit e stacionit policor po kryejnë veprimet e nevojshme hetimore lidhur me rastin,” tha Ahmeti./Telegrafi
Grabitet shtëpia e Ministres në Kosovë, zyrtarja përballet me hajdutin
