Paraditen e sotme, kryeministri Edi Rama ka zhvilluar një diskutim me sipërmarrjen mbi nismën e re të qeverisë që sipas tij për synim një rishikim tërësor të procedurave administrative të biznesit dhe “shkurtim të hallkave burokratike e përmirësim të mëtejshëm të klimës së biznesit”.
“Heqja e barrierave dhe hapja e sa më shumë kanaleve të frymëmarrjes të organizmit të shoqërisë sonë që lidh bashkë biznesin me shtetin në funksion të interesit privat dhe publik është një domosdoshmëri e vazhdueshme dhe është një proces që ka vend gjithmonë për përmirësim.
Sot duke pasur parasysh se tanimë janë bërë disa vite që është e ecur përpara mbi bazën e një lehtësimi të bërë më parë është koha për të rihaprë të gjitha proceset dhe për të bërë një lehtësim tjetër. Ne po bëjmë punën tonë nga brenda institucioneve.
Në këtë proces ministrja do të bëjë edhe takime specifike me të gjithë sektorët dhe intervista të aktorëve të caktuar në cdo sektor për të marrë sa më shumë informacion dhe sa më shumë sugjerime praktike që vijnë nga realiteti i përditshëm i punës dhe nuk dalin dot cfarë lexojmë në letra.
Tani do të vendosim edhe më shumë fokus tek profesioni dixhital duke rritur kapacitetet dhe duke shtuar shërbimet e reja” tha Edi Rama.
