Pas lirimit të organizatorit të sulmit në veri, Milan Radojçiç shefi i stafit të kryeministrit të Kosovës, Luan Dalipi ka reaguar për mes një postimi në llogarinë e tij në “X”.
Në reagimin e tij Dalipi u shpreh se e gjithë ecuria e këtyre ditëve që nga arrestimi e deri te lirimi i Radojçiç është bërë për vëmendjen e mediave.
“Aleksandar Vuçiç dhe Qeveria e Serbisë mbështeti terrorizmin në Kosovën fqinje. Arrestimi dhe lirimi i një terroristi kryesor është vetëm për të marrë vëmendjen e mediave. Manipulimi i tij i stilit Millosheviç/Putin nuk do të mashtrojë askënd. Mbajtja e përgjegjësisë është thelbësore për këtë shkelje të rëndë të ligjit ndërkombëtar,” shkroi ai.
Ditën e sotme Gjykata e Lartë në Beograd ka njoftuar se e ka liruar nga paraburgimi ish-nënkryetarin e Listës Serbe, Millan Radoiçiç pas marrjes në pyetje ditën e djeshme.
@avucic & Serbia’s Gov supported terrorism in the neighboring @Kosova. Arresting & releasing a front-lead-terrorist is a MEDIA STUNT. His Milosevician/Putin-style manipulation won’t fool anyone sane.
Accountability is essential for this serious breach of international law.
— Luan Dalipi (@DalipiLuan) October 4, 2023