Ambasada e Britanisë së Madhe në Tiranë përmes një postimi në Facebook ka reaguar në lidhje me kërcënimet dhe shantazhet me vdekje të raportuara ndaj prokurorëve dhe avokatëve.
Ambasada ka shprehur shqetësimin ndërsa shton se të gjithë ata që punojnë në Sistemin e Drejtësisë duhet të jenë të lirë të kryejnë punën e tyre, pa frikë apo favore.
“Mbretëria e Bashkuar do të vazhdojë t’i mbështesë ata në misionin e tyre jetik për të garantuar sigurinë e qytetarëve shqiptarë,” shkruan më tej ambasada.
