Ish-deputeti Artan Gaçi, burri i ish-ministres së Jashtme, Olta Xhaçka është paraqitur paraditen e sotme në SPAK.
Zyrtarisht nuk dihet arsyeja, por nuk përjashtohet mundësia që në pyetje po merret në lidhje me një kallëzim që ka bërë Fredi Beleri pak kohë më parë për pronat në Himarë. Për këtë dosje u pyet edhe kryetari i bashkisë Himarë, Jorgo Goro.
Beleri ngriti një padi në Prokurorinë e Posaçme kundër Korrupsionit dhe Krimit të Organizuar ndaj ish-ministres së Jashtme, Olta Xhaçka, bashkëshortit të saj Artan Gaçi si dhe kreut të Bashkisë së Himarës, Jorgo Goro për pronat. Gaçi ka marrë nga qeveria statusin e investitorit strategjik për ndërtimin e një resorti në jug të vendit.
