Një 22-vjeçare irlandeze-izraelite është në mesin e të zhdukurve pasi persona të armatosur të Hamasit sulmuan festivalin “Supernova” pranë kufirit të Gazës, duke lënë të vdekur afro 300 njerëz.
Jennifer Damti, nëna e së resë, tha për mediat e huaja se vajza e saj, Kim i kishte telefonuar menjëherë pas fillimit të sulmit.
“Kim nuk e kuptoi se kishte shtatë apo tetë furgona Toyota plot me terroristë dhe ata qëlluan kudo,” tha ajo.
“Ata thjesht i qëlluan dhe kjo është arsyeja pse jam këtu, sepse dua që bota ta dënojë këtë sjellje,” shton ajo.
“Nuk mund të flej. Gjithçka për të cilën mund të mendoj është se ku është, nëse vuan, nëse është ende gjallë. Unë thjesht dua që të kthehet,” tregon nëna e saj.
