Kryetari i Partisë Demokratike, Sali Berisha, gjatë një konference për media, ka diskutuar për çështjet që ka trajtuar në Forumin e IDU, duke theksuar disa shqetësime për situatën politike dhe zhvillimet e fundit në Shqipëri.
“Diskutuam me thellësi faktorët që kanë penguar integrimin e Shqipërisë në Bashkimin Europian. Një prej arsyeve kryesore është bashkëpunimi i ngushtë mes Edi Ramës dhe Vuçiç, i cili ka krijuar një klimë të dëmshme për politikën e jashtme të Shqipërisë dhe për marrëdhëniet me vendet fqinje. Përveç kësaj, Shqipëria ka shndërruar në një vend me farsat zgjedhore, ku nuk ka as transparencë dhe as mundësi për të pasur zgjedhje të lira e të ndershme. Po ashtu, çështja e korrupsionit është e dukshme. Edi Rama ka krijuar një sistem ku korrupsioni është mbrojtur nga lart, duke mbrojtur gjithashtu krimin në nivelet më të larta të pushtetit. Shqipëria është një vend ku ka ndodhur shumë vjedhje e pasuri publike dhe ku shumë qytetarë janë persekutuar për shkak të opinionit të tyre politik.
Një tjetër çështje që solla në këtë forum ishte problemi i ‘kafazit të qelqit’ që është i lidhur me rastin e gjyqit të Ilir Metës. Ky sistem i drejtësisë, që po shndërrohet në një instrument të frikës dhe përndjekjes, është një riprodhim i metodave të babait të Edi Ramës, që ka nënshkruar për të varur dhe përndjekur ata që janë në kundërshtim me regjimin. Rama ka vazhduar këtë politikë për të trembur qytetarët dhe për të pasur kontroll të plotë mbi institucione, përfshirë drejtësinë.”
