Shqipëria tashmë është bërë pjesë e Këshillit të të Drejtave të Njeriut në OKB. Në lidhje me këtë hap të rëndësishëm për vendin tonë ka reaguar edhe kryeministri, Edi Rama.
Për mes një postimi në “Facebook”, Rama shkruan se Shqipëria ka marrë një rol tjetër të rëndësishëm ndërkombëtar.
Ai më tej shtoi se vendi ynë u votua pro nga 123 vende anëtare të Asamblesë së Përgjithshme të OKB-së që sjellë që Shqipëria nga 1 janari i vitit të ardhshëm të ulet në KDNJ.
“SHQIPËRIA MERR NJË TJETËR ROL NDËRKOMBËTAR
Shqipëria ulet në Këshillin e të Drejtave të Njeriut në OKB. Dje, 123 vende anëtare të Asamblesë së Përgjithshme të OKB-së votuan PRO SHQIPËRISË si një prej 15 vendeve që do të ulen në KDNJ nga 1 janari 2024 deri në 31 dhjetor 2026.
15 anëtarët e rinj të KDNJ:
Shqipëria, Brazili, Bullgaria, Burundi, Kina, Bregu i Fildishtë, Kuba, Republika Domenikane, Franca, Gana, Indonezia, Japonia, Kuvajti, Malaui, Hollanda,” shkruan Rama.