Presidentja e KE-së, Ursula von der Leyen pas konferencës së përbashkët me kryeministrin Rama u pyet nga gazetarët nëse do të diskutohet në lidhje me tensionet në veri të Kosovës.
Gjatë fjalës së saj presidentja e KE-së u bëri apel dy palëve që të kthehen në tryezën e dialogut për të normalizuar marrëdhënien.
“Marrëveshja e Ohrit, është baza për pajtimin nëpërmjet dialogut të BE. Është e rëndësishme që Kosova dhe Serbia të kthehen në tryezë për të normalizuar marrëdhënien mes tyre dhe kjo është e vetmja mënyrë nëpërmjet dialogut.
Kjo është rruga e duhur për të ardhmen. Kosova dhe Serbia do të jenë pjesë e BE. Pra pajtimi angazhimi, bashkëpunimi tërësisht të domosdoshme dhe vendi për ta bërë këtë është dialogu,” tha Von Der Leyen.