Ditën e sotme Tirana do të presë liderët e BE në kuadër të samitit Procesit të Berlinit, i cili për herë të parë do të mbahet jashtë kufijve të unionit.
Në këtë ditë, kryeqyteti do të jetë i mbushur me një axhendë të ngjeshur deri në orën 19:30.
Kryeministri në detyrë i Malit të Zi, Dritan Abazoviç ka mbërritur tashmë në pritjen e liderëve në tapetin e kuq para kryeministrisë.
Ndërsa u prit në kryeministri nga homologu shqiptar Edi Rama, Abazovic foli shkurtimisht për mediat.
Ai e konsideron mbajtjen e Samitit të Procesit të Berlinit, një shenjë shumë të mirë dhe tha se Rama e ka afruar Europën në Tiranë po ashtu edhe Ballkanin Perëndimor.
“Kjo është shenjë shumë e mirë, kryeministri Rama ka afruar gjithë Europën në Tiranë, edhe në Ballkanin Perëndimor, është një shenjë shumë e mire,” tha Abazoviç.
