Ministrja e Punëve të Jashtme dhe Diasporës, Donika Gërvalla ka reaguar pasi presidenti Emmanuel Macron deklaroi nga Tirana se ka pezulluar liberalizimin e vizave për Kosovën.
Ajo ka shkruar në Twitter shprehjen “Et voila”, që nga gjuha frënge ka kuptimin “Ja pra”, bashkëngjitur ka vendosur edhe flamurin francez.
Në konferencën për mediat të martën me kryeministrin e Shqipërisë, Edi Rama, Macron deklaroi qartë dhe prerë se; “E them me shumë qartësi; ne u kemi besuar për çështjen e vizave, çështja është pezulluar nga ana e Francës sepse ka të bëjë me respektin e fjalës së dhënë dhe fjala nuk po mbahet. Pres që të angazhohen të dyja palët që të ecin përpara në javët e ardhshme. Është kushti i paqes në të gjithë zonën”.
Franca pezullon vizat për Kosovën, Macron: S’e mbajti fjalën, të pranojë Asociacionin!
