Të dy kanë një “armik” politik të përbashkët. Albin Kurtin. Kreu i AAK-së, Ramush Haradinaj udhëtoi ditën e sotme për në Tiranë.
Zhvilloi një takim me kryeministrin Edi Rama dhe siç shprehet në një postim në Facebook, i kërkoi ndihmë në tejkalimin e sfidave që i ka Kosova dhe të përshpejtojë integrimin e saj.
“Sot në Tiranë një takim vëllazëror me Kryeministrin e Shqipërisë, Edi Rama. Diskutuam për zhvillimet që po kalon Kosova, Shqipëria dhe rajoni dhe për proceset që na presin, veçanërisht për sfidat e Kosovës në çështjet që kanë të bëjnë me dialogun, sigurinë dhe perspektivën e integrimeve euro-atlantike.
I kërkova kryeministrit shqiptar që në të gjitha nivelet e bisedave me faktorin ndërkombëtar e kombëtar të ndihmojë në tejkalimin e sfidave që i ka Kosova dhe të përshpejtojë integrimin e saj.
E falënderova përzemërsisht për kujdesin e tij dhe të Shqipërisë në këtë periudhë jo të lehtë që po kalon Kosova” shprehet Haradinaj.
