Fatlum Muçaj 32-vjeç është arrestuar nga policia në Shkodër me qëllim ekstradimin drejt Italisë ku rrezikon deri në 20 vite burg për pjesëmarrje në organizatë kriminale me qëllim trafikun e drogës. Ai është lokalizuar nga njësia “fast” në lagjen “Ndoc Mazi” dhe u arrestua provizorisht, me qëllim ekstradimin përtej Adriatikut.
“32-vjeçari ishte shpallur në kërkim ndërkombëtar, pasi Gjykata e Milanos i kishte caktuar masën e sigurisë “Arrest në burg”, për veprën penale ”Organizata kriminale me qëllim trafikimin e drogës”, sipas Kodit Penal të Italisë, ku parashikohet dënim deri në 20 vjet burgim për këtë vepër” njofton policia.
