Një 51-vjeçar është arrestuar pasi ka thyer masën e sigurisë “Arrest në shtëpi”.
51-vjeçari me inicialet U. P. banues në Elbasan u kap jashtë ambienteve të banesës së tij në kundërshtim me vendimin e Gjykatës së Shkallës së Parë të Juridiksionit të Përgjithshëm Elbasan, e cila i kishte caktuar atij, masën e sigurisë “Arrest në shtëpi”.
Këtë masë 51-vjeçari e vuante për veprën penale “Prodhimi dhe shitja e narkotikëve”, kryer në bashkëpunim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
