Policia e Kosovës ka vënë në pranga dy të rinjtë pasi dyshohet se mbrëmjen e djeshme kanë kryer një vjedhje ku kanë marrë mallra me vlerë 100 mijë euro.
Sipas policisë të rinjtë kanë vjedhur një depo biznesi në rrugën “Gaspër Karaqi” nga depoja e një biznesi.
“Me datën 24.10.2023 rreth orës 10:55, ankuesi mashkull kosovar ka raportuar se persona të panjohur për të, kishin depërtuar brenda objektit të biznesit të tij në rrugën ‘Gaspër Karaqi’ në Gjakovë, dhe nga depoja e këtij biznesi kishin vjedhur mallra të ndryshëm (veshmbathje, bizhuteri, gjësende të ndryshme shtëpiakë etj.) në vlerë rreth 100 000 (njëqind mijë) euro”, thuhet në njoftimin.
“Të gjitha veprimet hetimore të ndërmarra janë kryer në koordinim me prokurorin e shtetit, me vendimin e të cilit të dyshuarit, pasi që janë intervistuar në prezencë të avokatëve mbrojtës, me aktvendim, janë dërguar në mbajtje, ndërsa mallrat e sekuestruar iu janë kthyer pronarit”, përfundon njoftimi.
