Nuk ka seanca normale në Parlament nëse nuk respektohet e drejta e opozitës për komisionet hetimore. Sali Berisha ishte i qartë në fund të seancës së sotme që u mbyll me grushte dhe tension. Tha se do të përdoren të gjitha format e rezistencës.
“Po mbrojmë Kushtetutën që është jetike për cdo qytetar shqiptar. Pa mbrojtjen e saj nuk mund të mbrohen shqiptarët nga Edi Rama. Kushtetuta do të mbrohet. Shumica mund të përjashtojë, por popullin nuk e përjashton dot kurrë.
Kjo është betejë pa kthim. Do të përdoren të gjitha format e qëndresës parlamentare. Nuk ka parlament dhe parlamentar që përfaqësojnë opozitën dhe nuk mund të kryejnë funksionet e tyre” tha ai.
