Në gjykimin për vrasjen e politikanit serb, Oliver Ivanoviç, në seancën e së hënës është shfaqur një video-regjistrim ku shihet i ndjeri duke dalë nga ndërtesa ku banonte, pak minuta para vrasjes së tij.
Në pamje shihet se pasi që Ivanoviq del nga ndërtesa pranë tij kalojnë dy vetura, ku njëra nga to ishte pa targa, raporton “Betimi për Drejtësi”
Këtë video-incizim e ka e ka propozuar të shikohet mbrojtësi i të akuzuarit Marko Roshiç, avokatit Mahmut Halimi.
Në këtë rast, për përfshirje në vrasjen e Ivanoviçit, e cila kishte ndodhur në janar të 2018-ës, po akuzohen Marko Roshiç, Nedelkjo Spasojeviç, Dragisha Markoviç, Zharko Jovanoviç, Silvana Arsoviç dhe Rade Basara.
