Partitë opozitare në Kosovë si PDK-ja, LDK-ja dhe AAK-ja e kanë braktisur seancën e Kuvendit pasi mazhoranca nuk e mbështeti mocionin e tyre për të futur në rend dite.
Bëhet fjalë për miratimin e një Rezolute për të mbështetur minatorët e Trepçës dhe një për mbështetje të Policisë së Kosovës.
Kryetari i Kuvendit, Glauk Konjufca tha se 84 deputetë kanë marrë pjesë në këtë votim: “34 kanë votuar pro, 50 kanë abstenuar dhe asnjë votë kundër.”
Për të kaluar ky propozim, sipas Konjufcës janë dashur 63 vota.
