Nora Gjakova ka fituar medaljen e bronztë në Kampionatin Evropian në Montpellier të Francës në kategorinë deri 57 kilogramë.
Për medalje të bronztë, Nora mposhti gjermanen Seija Ballhaus. Ndaj saj fitoi me Ippon në kohën shtesë.
Nora nuk ishte në ditën më të mirë të saj, por megjithatë vazhdoi të jetë në podiumin e Kampionateve Evropiane.
Për Norën është medalja e shtatë në Kampionate Evropiane. Ka një të artë, një të argjendtë dhe pesë të bronzta.
