Ditën e sotme u njoftua nga policia se u krye arrestimi i një 28 vjeçari me inicialet E.D., banues në Tiranë.
Raportohet se i riu ka thyer masën e sigurisë “arrest në shtëpi”, e vendosur Gjykata e Lartë pasi ka kryer veprën penale “Prodhim dhe shitje të lëndëve narkotike”.
Nga ajo çfarë mësohet, 28 vjeçari është parë jashtë banesës së tij duke shkelur masën e sigurisë gjithashtu i përfshirë në mbajtje dhe shitje të lëndëve narkotike.
Informacioni është bërë i ditur nga policia, e cila në kontrollin që ka kryer në banesën e të riut ka gjetur dhe sekuestruar doza lëndësh të dyshuara kokainë dhe kanabis.
Gjithashtu nga sekuestrimi i telefonit është zbuluar se 28 vjeçari zotëronte faqe që shërbenin për të luajtur kumar dhe skedina.
Të gjitha materialet dhe provat e gjetura i kaluan prokurorisë.
