Një 36-vjeçar është arrestuar ditën e sotme në Tiranë pasi dyshohet se bleu një makinë të vjedhur.
Personi me inicialet F.M., i cili është banues në Tiranë ka blerë një makinë të vjedhur të tipit “BMW” për 9.000 euro me qëllimin për ta shitur në treg për pjesë këmbimi.
Për të njëjtën arsye janë shpallur në kërkim dhe T. L., 39 vjeç, banues në Kuçovë, dhe C. F., 41 vjeç, banues në Rumani.
Këta dy persona dyshohet nga policia se kanë vjedhur makinën në Britaninë e Madhe dhe e kanë shitur më pas tek 36-vjeçari, F.M., për 9.000 euro.
Në cilësinë e provës materiale është sekuestruar automjeti tip “BMW”.
