Një 37-vjeçar me origjinë nga Librazhdi i cili kishte mbërritur në Angli me gomone ka ndërruar jetë pasi tentoi vetëvrasjen.
Sipas “The Guardian” 37-vjeçari, i arrestuar në Angli, ka ndërruar jetë ditën e djeshme në spitalin East Surrey, në Redhill. Lajmi është konfirmuar ditën e sotme nga Home Office.
Emigranti shqiptar prej ditësh mbahej në këtë qendër emigrantësh me qëllim dëbimin nga Anglia.
Ai është gjetur në dhomë i varur me çarçafë.
Besohet se një depresion i mundshëm e çoi në tentativën e vetëvrasjes shqiptarin që ishte marrë nga oficerët e emigracionit në banesën ku jetonte në Londër.
