Një grup kriminal që vepronte në Shkodër dhe Vaun e Dejës është goditur nga policia, ku si rezultat janë arrestuar 3 persona, Gerisjan Duli, Rasim Gorrila dhe Fatjon Jubani, 34-vjeç, teksa 2 të tjerë, 24-vjeçarët Kledis Dibra dhe Amarildo Ndoj u shpallën në kërkim.
Dy prej të arrestuarve, Gerisjan Duli, 24-vjeç, dhe Rasim Gorrila, 24-vjeç, janë ushtarë në Repartin e Këmbësorëve në Vaun e Dejës.
Të 5 këta persona janë autorë të dyshuar të djegies së 4 automjeteve, 4 vjedhjeve në banesa në Vaun e Dejës dhe 2 vjedhjeve në banesa në Shkodër.
Në cilësinë e provës materiale është sekuestruar një automjet që dyshohet se është përdorur nga këta shtetas, për të shkuar në vendngjarjet.
