Ngjarja e ndodhur ditën e sotme në parlament nuk ka kaluar pa u vënë re nga mediat ndërkombëtare.
BBC ka shpërndarë videon ku shihen momentet e ndezjes së flakadanëve në seancë ku shkruhet se deputetët e opozitës protestuan kundër buxhetit duke ndezur flakadanët.
Nga ana tjetër edhe “Reuters” ka shkruar për situatën e shkaktuar sot në parlament. “Deputetët e opozitës ndezën tymuese e zjarr në Parlament, në përpjekje për të kundërshtuar buxhetin 2024. Deputetët gjithashtu grumbulluan karriget në qendër të Kuvendit, tymi e kaosi shoqëroi seancën e sotme”
