Në orën 10:00 nis seanca maratonë për diskutimet e buxhetit për vitin tjetër, por që sipas të gjitha gjasave do të bllokohet nga opozita.
Socialistët nisur nga çfarë është paralajmëruar kanë shkuar një orë më herët në seancë. Edhe Berisha me të tijët arriti rreth orës 09:00.
“Tani sikur e ka filluar (Edi Rama) me 10 makina mbrapa do të përfundojë me autokolonë me 20 makina mbrapa si Kim Jong Un” tha Berisha.
SPAK-u e pret në orën 10:00, por Berisha nuk ka ndërmend që të shkojë. “Sot unë jam paraqitur në parlament, ku me urdhër të Ramës po bëhet përvetësim. Nuk ka diskutim se do ia them Ramës në sy nëse nuk ia mbath” tha ai.
